Германиялик тажрибали ҳимоячи Жером Боатенг “Бавария”га қайтишга яқин турибди. Томонлар ҳамкорлик тафсилотларини келишиб олишган.
Sky Sports Deutschland журналистларининг хабар беришича, 35 ёшли футболчи аллақачон тиббий кўрикдан ўтган. Боатенгнинг Бундеслига чемпиони билан шартномаси жорий мавсум охиригача амал қилади.
Эслатиб ўтамиз, Жером 2011 йилдан 2021 йилгача "Бавария"да ўйнаган. Мюнхенликлар таркибида ҳимоячи 25 та совринни қўлга киритди. Шундан сўнг Боатенг икки мавсумни Франциянинг “Лион”ида ўтказди. Ҳозирда у эркин агент мақомида.