Germaniyalik tajribali himoyachi Jerom Boateng “Bavariya”ga qaytishga yaqin turibdi. Tomonlar hamkorlik tafsilotlarini kelishib olishgan.
Sky Sports Deutschland jurnalistlarining xabar berishicha, 35 yoshli futbolchi allaqachon tibbiy ko‘rikdan o‘tgan. Boatengning Bundesliga chempioni bilan shartnomasi joriy mavsum oxirigacha amal qiladi.
Eslatib o‘tamiz, Jerom 2011 yildan 2021 yilgacha "Bavariya"da o‘ynagan. Myunxenliklar tarkibida himoyachi 25 ta sovrinni qo‘lga kiritdi. Shundan so‘ng Boateng ikki mavsumni Fransiyaning “Lion”ida o‘tkazdi. Hozirda u erkin agent maqomida.