"Ювентус" бош мураббийи Массимилиано Аллегри "Аталанта" билан голсиз дуранг ҳақида ўз фикрлари билан ўртоқлашди.

Иккала жамоада ҳам пешқадам “Интер” ва “Милан”га яқинлашиш имконияти бўлган эди, бироқ Бергамода гол бўлмади.

“Ўйинимиз ва қўлга киритган очкомиздан мамнунман. Биз баъзи техник хатоларга йўл қўйдик, лекин дастлабки 60 дақиқада яхшироқ эдик. Охир-оқибат, биз эҳтиёткорроқ бўлишимиз керак эди, биз имкониятни бой бериш хавфига дуч келдик. Якунда ўз дарвозамиз дахлсизлигини сақлаб қолганимиздан хурсандман. Шесни Европанинг энг яхши дарвозабонларидан бири эканлигини исботлади”, деди “Кекса синьора” бошқарувчиси ўйиндан кейин DAZN нашрига берган интервьюсида.