"Рома" бош мураббийи Жозе Моуриньо мухлисларнинг норозилиги ҳақидаги саволга жавоб қайтарди.
Олти турдан сўнг римликлар беш очко жамғариб, фақат битта ғалабага эришган ҳолда 16-ўринда бормоқда. Аввалги ўйинда “Женоа”дан учралган йирик мағлубиятдан сўнг (1:4) Жозе Моуриньо жиддий танқидларга учради.
"Фрозиноне" билан учрашув бошланишидан олдин журналистлар португалияликдан мухлисларнинг норозилигига муносабати қандайлигини сўрашди: "Ўйин бошланишидан олдин бундай савол бериш унчалик тўғри ёндашув эмас. Сен ўз ишингни қил, мен ўз ишимни. Менимча, бу ҳақда ҳозир гапириш ўринли эмас", - дея Моуриньонинг сўзларидан иқтибос келтиради Football Italia.
