Италиялик футболчи, ҳозир Туркияда тўп тепаётган Марио Балотеллининг фикрича, илгари "Милан" ва "Интер"да тўп тепган марокашлик ярим ҳимоячи Адель Таарабт техникаси бўйича бразилиялик Неймардан устунроқ. Таарабт ҳозирда "Бенфика"да ўйнайди:
- Таарабт техник жиҳатдан Неймардан яхшироқ, назаримда. Неймар, албатта, мутлақ феномен, лекин техника ҳақида гапирадиган бўлсак, менимча, Таарабт кучлироқ бўлади", - дея Балотеллининг сўзларини келтиради RMC Sport.
Эслатиб ўтамиз, Неймар "Барселона" ва "ПСЖ"да ўйнашга муваффақ бўлган ва ҳозирда Саудия Арабистонида тўп тепмоқда.
