"Бавария" ҳужумчиси Томас Мюллер Томас Тухель қўл остида жамоадаги ўрнидан норози. Немис ҳужумчиси асосий таркиб футболчиси эмас. Тухель уни хатто ўринбосар деб ҳам ҳисобламайди, чунки захирадан майдонга тушишга биринчи номзодлар Матис Тель ва Эрик Чоупо-Мотинглардир.
Kicker нашрининг сўзларига кўра, Мюллер Тухель қўл остида позицияси ўзгаришига ишонмайди. 34 ёшли футболчи келаси ёзда эркин агент сифатида кетишга тайёр. Эслатиб ўтамиз, мавсум охирида немиснинг "Бавария" билан шартномаси тугайди.
Мюллер Бундеслиганинг жорий мавсумида битта голли узатмани амалга оширди.