"Рома" бош мураббийи Жозе Моуриньо А сериянинг 7-тури доирасидаги "Фрозиноне" устидан қозонилган ғалабага (2:0) муносабат билдирди.
“Менинг жавобим футболчиларга мукаммал фикрлаш тарзини бериш эди. Кўнгилсизлик, босим ва танқидлардан кейин бундай ўйинга бир юрак билан кириб бўлмайди. Ҳиссий мувозанатни сақлаш керак эди. Мен бу муносабатни футболчиларимга ўтказдим. Ўйлайманки, ўша оғир дамларни бошдан кечирганим футболчиларга бу нарсани тушинтиришга ёрдам берди. Агар биз ўйинда ғалаба қозонмаганимизда, Колизей портлаб кетган бўларди, шунинг учун мен таваккал қилиб, Дибалани майдонга ташлашга мажбур бўлдим", - дея мураббийнинг сўзларини келтиради Football Italia.
