"Бавария" бош мураббийи Томас Тухель Чемпионлар лигасида "Копенгаген" устидан қозонилган иродали ғалаба (2:1) ҳақида фикр билдирди.
Ўз майдонида ҳаракат қилган Дания жамоаси 56-дақиқада ҳисобни очган бўлса, мюнхенликлар 67 ва 83-дақиқаларда Жамол Мусиала ва Матис Телнинг аниқ зарбалари эвазига ўйинни ўзгартира олди.
“Бу жуда қийин эди. "Копенгаген" маҳкам ва ихчам ҳимояланди, бундай ҳимояни бузиш қийин эди. Биз ўйинни назорат қилдик ва рақибга ҳеч нарса йўл қўймадик - шунинг учун улар иккинчи бўлимда биринчи голли имкониятни голга айлантирганларида бу жуда ёқимсиз эди. Бу вазифани қийинлаштирди, лекин биз буни уддаладик, шунинг учун бизнинг чиқишимиз ижобий баҳоларга лойиқ”, деди Тухель Prime Video'га берган интервьюсида.
