"Bavariya" bosh murabbiyi Tomas Tuxel Chempionlar ligasida "Kopengagen" ustidan qozonilgan irodali g‘alaba (2:1) haqida fikr bildirdi.
O‘z maydonida harakat qilgan Daniya jamoasi 56-daqiqada hisobni ochgan bo‘lsa, myunxenliklar 67 va 83-daqiqalarda Jamol Musiala va Matis Telning aniq zarbalari evaziga o‘yinni o‘zgartira oldi.
“Bu juda qiyin edi. "Kopengagen" mahkam va ixcham himoyalandi, bunday himoyani buzish qiyin edi. Biz o‘yinni nazorat qildik va raqibga hech narsa yo‘l qo‘ymadik - shuning uchun ular ikkinchi bo‘limda birinchi golli imkoniyatni golga aylantirganlarida bu juda yoqimsiz edi. Bu vazifani qiyinlashtirdi, lekin biz buni uddaladik, shuning uchun bizning chiqishimiz ijobiy baholarga loyiq”, dedi Tuxel Prime Video'ga bergan intervyusida.
