"Интер" бош мураббийи Симоне Индзаги "Бенфика"га (1:0) қарши Чемпионлар лигаси ўйинида жамоасининг ўйинини юқори баҳолади.
62-дақиқада Маркус Тюрамнинг аниқ зарбаси эвазига “нерадзуррилар” устунликни қўлга киритишди.
"Биринчи бўлимда ўйин тенг ўтди ва баъзи дақиқаларда биз яхшироқ ҳаракат қилишимиз мумкин эди. Танаффусдан кейин йигитлар шиддатли ҳаракат қилишди ва ажойиб футбол намойиш этишди. Биз жуда кучли рақибни ҳақли равишда мағлуб этдик, футболчилар мақтовга лойиқ”, — деди Италия гранди бош мураббийи Mediaset нашрига берган интервьюсида.
