"Inter" bosh murabbiyi Simone Indzagi "Benfika"ga (1:0) qarshi Chempionlar ligasi o‘yinida jamoasining o‘yinini yuqori baholadi.
62-daqiqada Markus Tyuramning aniq zarbasi evaziga “neradzurrilar” ustunlikni qo‘lga kiritishdi.
"Birinchi bo‘limda o‘yin teng o‘tdi va ba’zi daqiqalarda biz yaxshiroq harakat qilishimiz mumkin edi. Tanaffusdan keyin yigitlar shiddatli harakat qilishdi va ajoyib futbol namoyish etishdi. Biz juda kuchli raqibni haqli ravishda mag‘lub etdik, futbolchilar maqtovga loyiq”, — dedi Italiya grandi bosh murabbiyi Mediaset nashriga bergan intervyusida.
