"Манчестер Юнайтед" бош мураббийи Эрик тен Хаг клубдаги позицияси ҳақида фикр билдирди.

“Галатасарой”га қарши ўз уйида Чемпионлар лигаси доирасидаги ўйинда (2:3) кутилмаган мағлубиятдан сўнг нидерландиялик мураббийга босим кучайган. "Қизил иблислар" жорий мавсумдаги дастлабки ўнта ўйиннинг олтитасида мағлуб бўлишди.

“Ўтган мавсум ажойиб ўтди - биз барча кутилмалардан ҳам ошиб кетдик. Мен ушбу лойиҳани қабул қилганимда қийинчиликлардан хабардор эдим, бўшлиқлар бор ва биз ҳозир қийин вақтни бошдан кечирмоқдамиз. Ҳаммамиз, шу жумладан мен, директорлар ва жамоамиз бирлашамиз, қийинчиликларга биргаликда курашамиз. Биз ўзимизни яхшилашимиз кераклигини биламиз”, - дея “Юнайтед” бошқарувчисининг сўзларини келтиради журналист Лаури Уайтвелл.