"Manchester Yunayted" bosh murabbiyi Erik ten Xag klubdagi pozisiyasi haqida fikr bildirdi.

“Galatasaroy”ga qarshi o‘z uyida Chempionlar ligasi doirasidagi o‘yinda (2:3) kutilmagan mag‘lubiyatdan so‘ng niderlandiyalik murabbiyga bosim kuchaygan. "Qizil iblislar" joriy mavsumdagi dastlabki o‘nta o‘yinning oltitasida mag‘lub bo‘lishdi.

“O‘tgan mavsum ajoyib o‘tdi - biz barcha kutilmalardan ham oshib ketdik. Men ushbu loyihani qabul qilganimda qiyinchiliklardan xabardor edim, bo‘shliqlar bor va biz hozir qiyin vaqtni boshdan kechirmoqdamiz. Hammamiz, shu jumladan men, direktorlar va jamoamiz birlashamiz, qiyinchiliklarga birgalikda kurashamiz. Biz o‘zimizni yaxshilashimiz kerakligini bilamiz”, - deya “Yunayted” boshqaruvchisining so‘zlarini keltiradi jurnalist Lauri Uaytvell.