«Аталанта» «Милан»дан ярим ҳимоячи Шарл де Кетеларени сотиб олмоқчи.

Аввал хабар берганимиздек, Бергамо клуби бельгиялик футболчининг ўйинидан мамнун ва дарҳол футболчи билан доимий шартнома тузишга қизиқиш билдирган.

Инсайдер Экрем Кўнурнинг янгиланган маълумотларига кўра, «Аталанта» энди янада қатъийроқ позицияда – «кўк-қоралар» ҳужумкор ярим ҳимоячи учун «Милан» билан музокараларни аллақачон режалаштириб бўлган.

Эслатиб ўтамиз, ижара 20 миллион евродан ортиқ суммага белгиланиб, сотиб олиш шартини ўз ичига олади.

Ўтган ёзда «россонерилар» Шарл де Кетеларени Бельгиянинг «Брюгге» клубидан 32 миллион евро эвазига сотиб олганди.