«Atalanta» «Milan»dan yarim himoyachi Sharl de Ketelareni sotib olmoqchi.

Avval xabar berganimizdek, Bergamo klubi belgiyalik futbolchining o‘yinidan mamnun va darhol futbolchi bilan doimiy shartnoma tuzishga qiziqish bildirgan.

Insayder Ekrem Ko‘nurning yangilangan ma’lumotlariga ko‘ra, «Atalanta» endi yanada qat’iyroq pozisiyada – «ko‘k-qoralar» hujumkor yarim himoyachi uchun «Milan» bilan muzokaralarni allaqachon rejalashtirib bo‘lgan.

Eslatib o‘tamiz, ijara 20 million yevrodan ortiq summaga belgilanib, sotib olish shartini o‘z ichiga oladi.

O‘tgan yozda «rossonerilar» Sharl de Ketelareni Belgiyaning «Bryugge» klubidan 32 million yevro evaziga sotib olgandi.