«Ростов» бош мураббийи Валерий Карпин 30 минг рубль миқдорида жаримага тортилди.
Бундай қарор Россия футбол иттифоқининг Назорат ва тартиб-интизом қўмитаси томонидан қабул қилинган. Карпин яқинда «Урал»га қарши ўйинда (2:2) техник зонани тарк этгани учун жазоланган эди.
Айни пайтда «Ростов» Россия чемпионати турнир жадвалида 12-ўринда бормоқда. Валерий Карпин шогирдлари навбатдаги ўйинни 7 октябрь куни - «Краснодар»га қарши сафарда ўтказади.
Хабарингиз бор, Валерий Карпин нафақат «Ростов»ни, балки Россия терма жамоасини ҳам бошқаради.
Октябрь ойида жамоа 12 ва 16 кунлари Камерун ва Кенияга қарши ўртоқлик ўйинлари ўтказади.
