Жейми Каррагер Юрген Клоппнинг «Ливерпуль»нинг «Тоттенхэм»га қарши ўйинини такрорий ўтказиш ғоясини қўллаб-қувватламади.

«Мен Юрген Клоппнинг «Тоттенхэм» - «Ливерпуль» ўйинини такрорлаш ҳақидаги илтимосига қўшилмайман. Премьер-лигада шундай бўлишини тасаввур қила олмайман.

Луис Диас голи билан боғлиқ бўлган воқеа нотўғри. Бу мисли кўрилмаган ҳолат ва ҳакамликда, айниқса ВАР протоколига нисбатан туб ўзгаришларга олиб келиши керак, аммо ўйинларни такрорлашга бўлган ишонч шунчалик кенг тарқалган ва кучлики, «Ливерпуль» ғалаба қозона олмайдиган жанг учун курашмоқда.

Клоппнинг фикрига қўшилмайман, лекин у такрорий ўйин масаласини кўтаришга ҳақли. У ўз ўйинчиларини ҳимоя қилади. Айнан шу нарса унинг сўзлари ортида турибди», - деб ёзди «Ливерпул»нинг собиқ ҳимоячиси.