"Манчестер Юнайтед" бош мураббийи Эрик тен Хаг қийинчиликларга тайёр эканлигини айтди.
“Қизил иблислар” нидерландиялик мутахассис бошчилигидаги иккинчи мавсумни унчалик яхши бошлай олмади: жамоа атиги тўққиз очко билан Премьер-лигада ўнинчи ўринни эгаллаб турибди, шунингдек, Чемпионлар лигаси гуруҳ босқичининг иккита ўйинида иккита мағлубият аламини тотиб кўрди.
“Бу сабр-тоқат ва хотиржамликни талаб қилади, лекин биз бирлашишда ва футболга эътибор қаратишда давом этамиз. Мен бу ерда муваффақиятсизликларни бошдан кечиришим кераклигини билардим. Балки бу клубда тез-тез содир бўлаётгандир, лекин айтганимдек, биз бор эътиборни футболга қаратишимиз керак", - деди Тен Хаг матбуот анжуманида.
АПЛнинг 8-тури доирасида “Манчестер Юнайтед” ўз майдонида “Брентфорд”га қарши баҳс олиб боради.
