Мадриднинг «Реал» клуби бош мураббийи Карло Анчелоттининг тақдири ҳали якунига етмаган.
AS журналистларининг хабар беришича, италиялик мутахассис келажаги борасида якуний қарорга келмаган.
Манбанинг хабар беришича, Анчелотти Бразилия терма жамоаси таклифига қарамай, «қироллик» клуби билан янги меҳнат шартномасини имзолашга тайёр.
Томонлар ўртасидаги амалдаги келишув жорий мавсум охирида якунига етади. Бу масалада ҳаммаси «Реал Мадрид» хўжайинларига боғлиқ бўлади, улар мураббийни жамоада қолдиришни хоҳлайдиларми ёки йўқ?
Эслатиб ўтамиз, 64 ёшли италиялик мутахассис 2021 йил июль ойидан буён «Реал»ни бошқариб келмоқда.
