Бразилиянинг «Коринтианс» клуби иккинчи маротаба жаҳон чемпиони унвонини қўлга киритди. Натижада бразилияликлар бу борада етакчи бўлган «Барселона»га етиб олишди.
Учрашувнинг 69-дақиқасида Герреро томонидан киритилган ягона гол бразилияликларга ғалаба келтирди. Сўнгги дақиқаларда Фернандо Торрес жавоб голини киритганди. Бироқ бу вазиятда испаниялик футболчи офсайдда турган эди ва буни туркиялик ҳакамлар бригадаси ўз вақтида баҳолашди ва голни инобатга олишмади.
Натижада «Коринтианс» 12 йиллик танаффусдан кейин яна жаҳон чемпиони деган номни қўлга киритди. Шунингдек Бразилия жамоаси 2007 йилдан буён илк маротаба бош совринни Жанубий Америка қитъасига олиб кетадиган бўлди. Сўнгги 5 мусобақада Европа жамоалари бош совринни қўлга киритиб келишаётганди.
Клублар ўртасида ЖЧ
Финал
КОРИНТИАНС (Бразилия) – ЧЕЛСИ (Англия) 1:0 (0:0)
Гол: Герреро (69).
Коринтианс: Кассио, Эмерсон (Уоллес, 90), Данило, Andre, Хорхе Энрике, Алессандро, Ральф, Шикао, Паулиньо, Фабиу Сантос, Герреро (Мартинес, 86).
Челси: Чех, Иванович (Аспиликуэта, 83), Давид Луиз, Кэйхилл, Э. Коул, Рамирес, Лэмпард, Э. Азар (Марин, 87), Мата, Торрес, Мозес (Оскар, 72).
Огоҳлантиришлар: Хорхе Энрике (56), Давид Луиз (72).
Четлатиш: Кэйхилл (90).
