"Манчестер Юнайтед" ярим ҳимоячиси Скотт Мактоминей ўзига хос ютуқга эришди.

Шотландиялик футболчи ўз жамоасига "Брентфорд" устидан 2:1 ҳисобида ғалаба қозонишига ёрдам берди ва иккинчи бўлимнинг қўшиб берилган вақтида дубль қайд этди.

Ярим ҳимоячи 87-дақиқада захирадан майдонга тушган бўлса, 93 ва 97-дақиқада рақиблар дарвозасига тўп киритди. Opta маълумотларига кўра, МакТоминай 2022 йилнинг январидан бери Англия Премьер-лигаси ўйинида 90-дақиқадан кейин икки марта гол урган биринчи футболчи бўлди. Бунга эришган охирги одам ўша пайтда "Тоттенхэм"да ўйнаган Стивен Бергвейн эди - ўшанда нидерландияликнинг дубли "шпорлар"га "Лестер"ни мағлуб этишга ёрдам берган.