"Рома" бош мураббийи Жозе Моуриньо Саудия Арабистони чемпионатида ишлаши мумкинлигини айтди.
“Ҳозир мен “Рома”даман. Мен бор эътиборимни “Рома”га қаратганман ва бу ерда сўнгги кунгача боримни бераман.
Ҳеч ким келажакни билмайди, лекин мен Саудия Арабистонида ишлашимга ишонаман. Қачонлигини билмайман, лекин ишончим комилки, буни албатта қиламан.
Менимча, Саудия Арабистони чемпионати ривожи у ерга биринчи бўлиб қарашни ўзгартирган Криштиану Роналдунинг таъсиридир. Буни футболчиларнинг фаолиятини якунлашда эмас, балки энг яхши йилларида келишлари ҳам тасдиқлайди. Саудия Арабистонидаги рақобат ҳақиқийдир”, деди Моуриньо.
