Суперлига 21-турида ўз майдонида “Пахтакор” клубини мағлуб этган “Андижон” клуби бош мураббийи Александр Хомяков ғалаба ҳақида ўз фикрини билдирди.

“Албатта, хурсандман. Жамоа ғалаба қозонса бутун Андижон байрам қилади. Барчани табриклайман. Ўйинга келсак, рақиб амалдаги чемпион ва бу ўйинга яхши тайёргарлик кўрган эдик. Улар ОЧЛ баҳсида анча куч сарфлашган эдилар. Биз аниқ режа асосида ўйнадик. Рақибга имкон бермай, минимум вазиятлар яратишига эришдик. Ёқимли ва керакли ғалаба”, - деди Хомяков.

“Иккинчи таймдаги футболчи алмаштиришлар қанот ҳимоячиларимизнинг бироз чарчаганликлари учун амалга оширилди. Улар катта ҳажмдаги ишни бажаришди. Абдуғаниев анча чарчади. Умуман, ўйинимизга бироз янгича қон олиб кириш учун ушбу ўзгартиришларни амалга оширдик. Бугун дарвозабонимиз бир неча бор бизни қутқарди. Қолаверса, Ҳебай фантастик гол урди. “Пахтакор”дек жамоани ютиш албатта катта эҳтиросларни беради”.

“Ҳебайнинг шартномаси ҳали якунланмаган. Кейинги мавсум ҳақида аввало раҳбарият билан гаплашиб оламиз”.