УЕФА Исроилдаги жангларга жавоб қайтарди. Яқин бир неча ҳафта ичида Исроилда бўлиб ўтиши керак бўлган УЕФА турнирларининг барча ўйинлари қолдирилди. Янги саналар кейинроқ аниқланади.
Кўчирилган ўйинлар орасида Исроил ва Швейцария терма жамоалари ўртасидаги Евро-2024 саралаш ўйини ҳам бор - бу 12 октябрга режалаштирилган эди.
УЕФА пресс-релизида вазиятни инобатга олган ҳолда Исроил терма жамоасининг Косовога қарши 15 октябрь куни бўлиб ўтиши керак бўлган сафардаги саралаш ўйини ҳам қолдирилиши мумкинлигини таъкидлайди. Тез орада бу борада қарор қабул қилинади.
Исроил терма жамоаси Евро-2024 саралашида ўз гуруҳида учинчи ўринни эгаллаб турибди.