UEFA Isroildagi janglarga javob qaytardi. Yaqin bir necha hafta ichida Isroilda bo‘lib o‘tishi kerak bo‘lgan UEFA turnirlarining barcha o‘yinlari qoldirildi. Yangi sanalar keyinroq aniqlanadi.
Ko‘chirilgan o‘yinlar orasida Isroil va Shveysariya terma jamoalari o‘rtasidagi Yevro-2024 saralash o‘yini ham bor - bu 12 oktyabrga rejalashtirilgan edi.
UEFA press-relizida vaziyatni inobatga olgan holda Isroil terma jamoasining Kosovoga qarshi 15 oktyabr kuni bo‘lib o‘tishi kerak bo‘lgan safardagi saralash o‘yini ham qoldirilishi mumkinligini ta’kidlaydi. Tez orada bu borada qaror qabul qilinadi.
Isroil terma jamoasi Yevro-2024 saralashida o‘z guruhida uchinchi o‘rinni egallab turibdi.













