“Вильярреал”нинг жароҳат олган вингери Йереми Пино ўрнига Испания терма жамоасига Брайан Сарагоса (“Гранада”) ва Ансу Фати (“Брайтон”) чақирилди, деб хабар бермоқда Испания футбол федерацияси сайти.
Жамоа 9 октябрь куни йиғинга тўпланади. Шу куни кечқурун Испания терма жамоаси очиқ машғулот ўтказади.
Испанлар 12 октябрь куни Евро-2024 саралашида Шотландия билан ўз уйида ўйнайди, шундан сўнг 15 октябрь куни Норвегияга қарши сафарда майдонга тушади.