Мадриднинг “Реал” клуби Жуд Беллингем билан тузилган шартномани жуда фойдали деб ҳисобламоқда.
Англиялик ярим ҳимоячи ёзги трансфер ойнасида Дортмунднинг "Боруссия"сидан Мадрид клубига ўтган эди. Келишув шартларига кўра, испанлар 103+31 миллион евро тўлашлари керак.
ESPN хабарига кўра, "Реал Мадрид" Беллингемга сармоя киритишни аллақачон муваффақиятли деб ҳисобламоқда, чунки футболчининг жамоага таъсири ва узоқ муддатли салоҳияти жуда юқори. Клубнинг фикрича, Жуд келажакда Мадриднинг ҳақиқий етакчиси бўлади ва унинг трансферига сарфланган пуллар нисбатан арзон.
Қайд этилишича, Беллингемнинг ҳамкорлари ва мураббийлари унинг мавсум бошида кўрсатган даражасидан ҳайратда қолишган – инглиз ўзининг профессионаллиги ва жисмоний ҳолати билан барчани ҳайратда қолдирган. Клуб манбаларидан бири Жуд "ўзини "Реал Мадрид"да 2 йилдан бери ўйнагандек ҳис қилмоқда" деди.
Шунга қарамай, мадридликлар футболчининг янада кучлироқ бўлиши мумкинлигига ишонмоқда.
20 ёшли футболчи “Лос-Бланкос” сафида 10 та ўйин ўтказиб, 10 та гол ва 3 та голли узатмага муаллифлик қилган.