"Севилья" раҳбарияти ишдан бўшатилган Хосе Луис Мендилибарнинг ўрнига бошқа вариант топди.
Журналист Сезар Луис Мерлонинг ёзишича, андалусияликлар аргентиналик Марсело Гальярдога бўш турган ўринни таклиф қилишган. Маълум қилинишича, мавжуд таклифга қарамай, томонлар ҳалигача келишувга эриша олишмаган.
Олдинроқ миш-мишлар Гальярдонинг "Лион", "Марсель" ва "Вильярреал"даги фаолияти билан боғлиқ эди. "Севилья" италиялик Антонио Контени ҳам номзод сифатида кўрмоқда.
Ла Лиганинг саккиз учрашувидан сўнг, қизил-оқлар турнир жадвалида 14-ўринни эгаллаб туришибди.