Антонио Конте тез орада А Серияга қайтиши мумкин.
Неаполликларнинг ҳозирги бошқарувчиси Руди Гарсия ишдан бўшатиш арафасида. Клуб раҳбарияти ҳозирча франциялик мутахассис бўйича якуний қарорга келгани йўқ, бироқ унинг ўрнини эгаллаши мумкин бўлган номзодлар ҳозирданоқ ўрганилмоқда.
Sky Sports хабарига кўра, Италиянинг амалдаги чемпионлари март ойида "Тоттенхэм"ни тарк этганидан бери ишсиз юрган Антонио Контени жамоага олиб келиш ҳақида ўйлашмоқда.
“Наполи” саккиз турдан кейин А Серияда бешинчи ўринда бормоқда. Якшанба куни жамоа ўз майдонида "Фиорентина"га мағлуб бўлди (1:3).
