Эрон терма жамоаси Бельгия чемпионати тўпурарларидан бирини маҳаллийлаштириши мумкин. "Юнион Сент-Жиллуаз" жамоаси ҳужумчиси Деннис Эккерт жорий мавсумда 6 ўйинда 5 та гол уришга муваффақ бўлди.
Эккерт 1997-йил Германияда туғилган бўлиб, она томондан испаниялик, ота томондан эса эронлик ҳисобланади. Футболчи ҳозирда Германия ва Испания паспортларига эгалик қилади. Ҳужумчи ўзининг охирги интервьюсида Эрон терма жамоасида ўйнаш нияти борлигини айтиб ўтган.
Эрон терма жамоаси тарихида Ашкон Дежога ва Феридун Занди каби германиялик маҳаллийлаштирилган футболчилар тўп тепишган. Ҳозирда эса Швеция терма жамоаси собиқ футболчиси Самон Годдус Эрон шарафини ҳимоя қилмоқда.
