Испаниянинг “Вильярреал” клуби ҳимоячиси Хуан Фойт Италия А Сериясининг топ-клубида ўйнаш имкониятига эга.

25 ёшли аргентиналик футболчининг хизматларига Туриннинг "Ювентус" клуби қизиқмоқда. "Кекса синьора" қишки трансферлар вақтида футболчини қўлга киритишга уриниб кўришга тайёр. Фойтнинг трансфер нархи 25 миллион еврога баҳоланмоқда.

Хуан 2021 йилнинг ёзидан бери “сариқ сув ости кемаси” шарафини ҳимоя қилиб келмоқда. Томонлар ўртасидаги амалдаги меҳнат шартномаси муддати 2026 йил июнь ойи охиригача ҳисобланади.

Ла Лиганинг жорий мавсумида ҳимоячи тўққизта ўйинда майдонга тушиб, битта голли узатмани амалга оширди.