Ispaniyaning “Vilyarreal” klubi himoyachisi Xuan Foyt Italiya A Seriyasining top-klubida o‘ynash imkoniyatiga ega.
25 yoshli argentinalik futbolchining xizmatlariga Turinning "Yuventus" klubi qiziqmoqda. "Keksa sinyora" qishki transferlar vaqtida futbolchini qo‘lga kiritishga urinib ko‘rishga tayyor. Foytning transfer narxi 25 million yevroga baholanmoqda.
Xuan 2021 yilning yozidan beri “sariq suv osti kemasi” sharafini himoya qilib kelmoqda. Tomonlar o‘rtasidagi amaldagi mehnat shartnomasi muddati 2026 yil iyun oyi oxirigacha hisoblanadi.
La Liganing joriy mavsumida himoyachi to‘qqizta o‘yinda maydonga tushib, bitta golli uzatmani amalga oshirdi.