Испан матбуоти тарқатган хабарга қараганда, Франциянинг "ПСЖ" клуби Мадриднинг "Реал" клуби бош мураббийи Жозе Моуриньо ва ҳужумчиси Криштиану Роналдуларнинг хизматларига қизиқиш билдирмоқда.
Бу ҳақда Париж клуби хўжайини Тамим бин Ҳамад бин Ҳалифа ат-Танининг ўнг қўли ҳисобланмиш Сауд бин Абдулраҳмон ат-Тани хабар бермоқда.
"Албатта, биз уларнинг хизматларига қизиқмоқдамиз. Бизнинг мақсадимиз клубимиз учун энг яхшиларни сотиб олиб, олдинда турган вақтда тўғри сармоя киритиш."ПСЖ" - Франция ва дунёнинг энг яхши клубларидан бири. Аммо биз уни Европанинг, қолаверса, жаҳоннинг энг яхши клубига айлантирмоқчимиз. Чемпионлар лигасида ғолиб чиқишга ҳаракат қиламиз", - дейди Сауд бин Абдулраҳмон ат-Тани.
