"Манчестер Юнайтед"нинг собиқ ҳимоячиси Гари Невилл "Ливерпуль"нинг жорий Англия чемпионатидаги истиқболлари ҳақида ўз фикрлари билан ўртоқлашди.

Мутахассис мерсисайдликларнинг ажойиб дарвозабони ва кучли ҳужум чизиғига эга эканлигини таъкидлади. Шу билан бирга, Невилл "қизиллар"нинг ҳимояси ва ярим ҳимоясига шубҳа қилиб, Юрген Клопп жамоаси "Арсенал" ва "Манчестер Сити" билан чемпионлик унвони учун курашиш осон бўлмаслиги ҳақида фикр билдирди.

"Агар Деклан Райс ёки Родри "Ливерпуль"да бўлганида клуб албатта чемпионлик учун кураш олиб боради, деб айтган бўлардим. Лекин ҳозирги ҳолатда уларнинг ярим ҳимоя ва ҳимояси қандай ҳолатда экани ноаниқ", - дея Невилл сўзларини келтирмоқда Mirror.