"Байер" бош мураббийи Хаби Алонсо келаси ёзда Леверкузенни тарк этиши мумкин.

Мутахассисга асосий даъвогар "Реал Мадрид" ҳисобланмоқда, жорий мавсум якунида улар Карло Анчелотти билан хайрлашиши кутилмоқда. SportBild хабарига кўра, Алонсо яқинда "Байер" билан шартномасини 2026 йилгача узайтирганига қарамай, агар у ўзининг собиқ клубларидан бири - "Реал", "Ливерпуль" ёки "Бавария"дан таклиф тушса, 2024 йилдаёқ ўз хоҳишига кўра кетиш имкониятига эга бўлади. Испаниялик собиқ футболчининг бу борада “доричилар” раҳбарияти билан келишуви бор.

"Байер" Бундеслигада 7 турдан кейин 19 очко билан пешқадамлик қилмоқда.