Мадриднинг “Реал” клуби ярим ҳимоячиси Браим Диас футбол фуқаролигини ўзгартиради.
24 ёшли футболчи Испания терма жамоасида битта ўйин ўтказишга муваффақ бўлди, аммо бошқа терма жамоада ўйнай олиш имконига эга. Хабарингиз бор, Марокаш терма жамоаси ярим ҳимоячини узоқ вақтдан бери ўз сафида кўришни хоҳлашади - уни бўлажак Африка кубогига қайдномага қўшишга умид қилишмоқда. Журналист Хичам эл-Хлифийнинг сўзларига кўра, Диаснинг ўзи ниҳоят марокашликларнинг таклифини қабул қилишга қарор қилган. Тез орада футболчи расман терма жамоасини ўзгартириши кутилмоқда.
Аввалроқ, Мадриднинг “Реал” клуби тақвим зичлиги туфайли Браимни Африка кубогига қўйиб юбориш ниятида эмаслиги маълум бўлганди.