Madridning “Real” klubi yarim himoyachisi Braim Dias futbol fuqaroligini o‘zgartiradi.

24 yoshli futbolchi Ispaniya terma jamoasida bitta o‘yin o‘tkazishga muvaffaq bo‘ldi, ammo boshqa terma jamoada o‘ynay olish imkoniga ega. Xabaringiz bor, Marokash terma jamoasi yarim himoyachini uzoq vaqtdan beri o‘z safida ko‘rishni xohlashadi - uni bo‘lajak Afrika kubogiga qaydnomaga qo‘shishga umid qilishmoqda. Jurnalist Xicham el-Xlifiyning so‘zlariga ko‘ra, Diasning o‘zi nihoyat marokashliklarning taklifini qabul qilishga qaror qilgan. Tez orada futbolchi rasman terma jamoasini o‘zgartirishi kutilmoqda.

Avvalroq, Madridning “Real” klubi taqvim zichligi tufayli Braimni Afrika kubogiga qo‘yib yuborish niyatida emasligi ma’lum bo‘lgandi.