"Ньюкасл"нинг собиқ ҳужумчиси Алан Ширер қайси клубларни ҳозирги Англия Премьер-лигасининг асосий фаворити деб билиши ҳақида гапирди.

"Менга "Ливерпул"нинг ҳимоявий ўйинлари ёқмайди. Юрген Клопп шогирдлари бир муддат пешқадамлар қаторида бўлишлари мумкин, аммо якунда "Манчестер Сити" ва "Арсенал" чемпионлик учун курашади. Бу икки жамоа ўртасидаги рақобат бўлад"и, - дейди Ширер.

Англия чемпионатининг саккиз тури натижаларига кўра, Лондоннинг "Тоттенхем" жамоаси биринчи ўринни эгаллаб турибди. “Арсенал” иккинчи, “Манчестер Сити” эса учинчи ўринда. Кучли тўртликни “Ливерпуль” якунлаб турибди.