"Манчестер Юнайтед" ҳимоячиси Харри Магуайр ёзги трансферлар вақтида "Вест Хэм"га жиддий қизиқиш билдираётган эди. Бироқ футболчи “қизил иблислар” сафида қолди. Магуайр бу борада фикр билдирди.
"Вест Хэм"га ўтиш имконияти клублар ва мен ўртасида келишилмаган. "Вест Хэм" - катта клуб, аммо бор эътиборимни "Манчестер Юнайтед"га қаратганман ва ўз ўрним учун курашмоқчиман", - дея Магуайрнинг сўзларини келтирган таниқли журналист Фабрицио Романо ижтимоий тармоқда.
"Манчестер Юнайтед" айни дамда Англия Премьер-лигаси турнир жадвалида 10-ўринни эгаллаб турибди.
