"Манчестер Юнайтед" ҳужумчи Антони Марсьяль билан шартномани узайтириш ёки узайтирмаслик борасида нима қарорга келишни билмаяпти.
ESPN хабарига кўра, "Манчестер Юнайтед" раҳбарияти ҳали 27 ёшли футболчи билан нима қилиш ҳақида бир қарорга келмаган. Жорий мавсумда француз барча мусобақаларда 9та ўйинда майдонга тушиб, битта гол урди.
Манкунианликлар Марсьялнинг жорий мавсум якунига етадиган шартномасини узайтириш вариантини фаоллаштириш бўйича қарорни кейинга қолдирмоқчи. Кўп нарса Антонининг бутун мавсумдаги ўйинларига боғлиқ.
Шу билан бирга, "Манчестер Юнайтед" ҳимоячилар Аарон Ван-Биссака ва Виктор Линдёлофнинг амалдаги шартномасида шартномани бир йилга узайтириш вариантини фаоллаштиришни режалаштирмоқда. Улар иккаласи билан янги узоқ муддатли шартномалар имзолашни муҳокама қилиш ниятида.
