Босния паспортига эга сербиялик ярим ҳимоячи Раде Крунич ёзда «Милан»ни тарк этишга яқин эди, аммо клуб раҳбарияти бир овоздан уни қолишга кўндиришди.
Бунинг учун эса ўтган мавсумда клубга фойдали эканлигини исботлаган Крунич янги шартнома олади.
Круничнинг амалдаги шартномаси 2025 йилда тугайди, унга кўра у мавсумига 1,2 миллион евро маош олади.
Янги шартномага кўра, унинг маоши икки баравардан кўпроқ миқдорда - мавсумига 2,5 миллион еврогача кўтарилади, деб хабар беради pianetamilan.it.
Эслатиб ўтамиз, сербиялик футболчи 2019 йилдан бери Италия клубида тўп тепади, бунгача у «Эмполи» ва «Верона» клубларида ўйнашга муваффақ бўлган.
