Bosniya pasportiga ega serbiyalik yarim himoyachi Rade Krunich yozda «Milan»ni tark etishga yaqin edi, ammo klub rahbariyati bir ovozdan uni qolishga ko‘ndirishdi.
Buning uchun esa o‘tgan mavsumda klubga foydali ekanligini isbotlagan Krunich yangi shartnoma oladi.
Krunichning amaldagi shartnomasi 2025 yilda tugaydi, unga ko‘ra u mavsumiga 1,2 million yevro maosh oladi.
Yangi shartnomaga ko‘ra, uning maoshi ikki baravardan ko‘proq miqdorda - mavsumiga 2,5 million yevrogacha ko‘tariladi, deb xabar beradi pianetamilan.it.
Eslatib o‘tamiz, serbiyalik futbolchi 2019 yildan beri Italiya klubida to‘p tepadi, bungacha u «Empoli» va «Verona» klublarida o‘ynashga muvaffaq bo‘lgan.
