"Реал"нинг собиқ дарвозабони Икер Касильяс қайси дарвозабонни ўзи учун кумир деб ҳисоблаганини айтди. Касильяснинг сўзларига кўра, у 1992 йилда Дания термаси сенсацион тарзда турнирда ғалаба қозонган Европа чемпионатидаги Петер Шмейхелнинг ўйинидан катта таассурот қолдирган.
"Менинг дарвозабон кумирим - 1992 йилги Европа чемпионатида Петер Шмейхел, мен унинг сэйвларини кузатиб улғайганман. Буффон мендан уч ёш катта, у ўн етти ёшида фаолиятини бошлаган ва ўз ўйини билан мени лол қолдирган. Менимча, у менинг хотирамдаги энг зўр", - дея Касильяснинг сўзларини келтиради pianetamilan.it.
