Transfermarkt портали жума куни Испания Ла лигасида ўйнайдиган баъзи футболчиларнинг нархларини янгилади. Энг қиммат футболчи эса Мадриднинг “Реал” клуби ярим ҳимоячиси Жуд Беллингем бўлди. Унинг нархи 30 миллион еврога ошди ва ҳозир 150 миллион еврони ташкил қилмоқда.
Испания чемпионатининг энг қиммат футболчилари учлигига "Реал Сосьедад"дан Такефуса Кубо ва "Барселона"дан Ламин Ямал ҳам кирди – улар 25 миллион еврога қимматлашган. Ҳозирда иккала футболчининг нархи 50 миллион еврога баҳоланмоқда.
"Реал Мадрид" учун ўнта ўйинда Жуд Беллингем ўнта гол урди ва учта голли узатмани амалга оширди.