"Интер" дарвозабони Янн Зоммер "Бавария"ни тарк этиши ҳақидаги фикрлари билан ўртоқлашди.
Январь ойида швейцариялик Мюнхен гранди сафига қўшилганди, аммо у августда "Интер"га сотиб юборилди.
“Бу ёзда жуда кўп нарса бўлди. Тўғрисини айтсам, қишда “Бавария”га ўтганимда, клубда бор-йўғи олти ойни ўтказаман, деб ўйламагандим. Мен оилам билан Мюнхенга кўчиб ўтдик ва у ерда узоқ вақт қолишни кутдик, бу Нойер тузалиб кетганидан кейин содир бўлиши мумкин деб тахмин қилгандим. "Интер"да мен бир неча йил давомида асосий дарвозабонга айлана оламан, бу, албатта, танлашда муҳим эди", - дея Зоммернинг сўзларини келтиради журналист Альфредо Педулла.
