Португалия терма жамоаси ярим ҳимоячиси Бруну Фернандеш 2024 йилги Европа чемпионати саралаши доирасидаги Словакия устидан қозонилган ғалаба (3:2) ҳақида фикр билдирди.
"Биз гол ўтказиб юборишни истамагандик, аммо, афсуски, иккинчи бўлимда етарлича ҳаракат қилмаганимиз учун ўтказиб юбордик. Рақиблар учун бўш жойларни қолдирдик, аммо уларнинг голи ҳам эътиборга лойиқ. Биз топшириқни бажардик, биринчи бўлим умуман ажойиб ўтди, аммо иккинчи бўлимда биз кўпроқ гол уришимиз керак эди", - дея Фернандеснинг сўзларини келтиради УЕФА матбуот хизмати.