Ҳуқуқлари Германиянинг "Лейпциг" клубига тегишли бўлган испаниялик ярим ҳимоячи Дани Ольмо Англия Премьер-лигасида ўйнаш имкониятларига эга. Бу ҳақда Tribal Football нашри хабар бермоқда.
Манбага кўра, ярим ҳимоячининг трансферига Лондоннинг "Арсенал" ва "Челси" клублари қизиқиш билдирмоқда. Аввалроқ, испаниялик футболчини "Манчестер Сити" ҳам ўз сафига қўшиб олмоқчи экани ҳақида хабарлар тарқалган эди. Қолаверса, “Барселона” ҳам Дани билан ҳамкорлик қилишдан манфаатдор.
Ольмонинг "буқалар" билан шартномаси 2027 йилнинг июнь ойи охиригача амал қилади. Футболчининг трансфер қиймати 40 миллион еврога баҳоланмоқда.
Бундеслиганинг жорий мавсумида ярим ҳимоячи учта ўйин ўтказиб, иккита гол урди ва голли узатмани амалга оширди.
