Transfermarkt портали Испания Ла Лигасининг энг қиммат клубларининг янгиланган рейтингини тақдим этди. Унда биринчи ўринни "Реал Мадрид" эгаллади - портал клуб таркибини жами 1,03 миллиард еврога баҳолаган.

Иккинчи ўринда "Барселона". "Кўк-анорранглилар" биринчи ўриндан деярли 150 миллион евро ортда қолмоқда ва иккинчи ўринда 862 миллион кўрсаткич билан бормоқда.

Учинчи ўринда иккинчи ўриндан анча ортда қолган “Атлетико Мадрид” жойлашган. Портал “матрасчилар” таркибини 472 миллион еврога баҳолаган. Тўртинчи ўринни Испаниядан УЕФА Чемпионлар лигасининг жорий мавсумдаги тўртинчи иштирокчиси - "Реал Сосьедад" клуби эгаллади - 433 миллион евро.

Бешинчи ўрин Бильбаонинг "Атлетик" жамоасига, 219 миллион еврога насиб этди. Олтинчи - "Бетис" 202 млн. Еттинчи - "Севилья" - 187 млн. Саккизинчи - "Вильярреал" - 186 млн.

Лигадаги энг арзон жамоалар “Кадис” (18-ўрин, 60 миллион евро), “Лас-Палмас” (19-ўрин, 54 миллион) ва “Алавес” (20-ўрин, 52 миллион) жамоаларидир.