Transfermarkt portali Ispaniya La Ligasining eng qimmat klublarining yangilangan reytingini taqdim etdi. Unda birinchi o‘rinni "Real Madrid" egalladi - portal klub tarkibini jami 1,03 milliard yevroga baholagan.

Ikkinchi o‘rinda "Barselona". "Ko‘k-anorranglilar" birinchi o‘rindan deyarli 150 million yevro ortda qolmoqda va ikkinchi o‘rinda 862 million ko‘rsatkich bilan bormoqda.

Uchinchi o‘rinda ikkinchi o‘rindan ancha ortda qolgan “Atletiko Madrid” joylashgan. Portal “matraschilar” tarkibini 472 million yevroga baholagan. To‘rtinchi o‘rinni Ispaniyadan UYEFA Chempionlar ligasining joriy mavsumdagi to‘rtinchi ishtirokchisi - "Real Sosyedad" klubi egalladi - 433 million yevro.

Beshinchi o‘rin Bilbaoning "Atletik" jamoasiga, 219 million yevroga nasib etdi. Oltinchi - "Betis" 202 mln. Yettinchi - "Sevilya" - 187 mln. Sakkizinchi - "Vilyarreal" - 186 mln.

Ligadagi eng arzon jamoalar “Kadis” (18-o‘rin, 60 million yevro), “Las-Palmas” (19-o‘rin, 54 million) va “Alaves” (20-o‘rin, 52 million) jamoalaridir.