"Атлетик" ва Испания терма жамоаси дарвозабони Унай Симон жамоанинг кийиниш хоналарига телекамераларни киритиш амалиётини танқид қилди.
"Бизга бу зарур деб айтишди - ҳаммаси шу. Менимча, шахсий чегаралар белгиланиши керак. Аммо бир кун келиб улар ваннахонага кириб, унда нима қилаётганимни кўришмоқчи бўлишяпти", - дея Симоннинг сўзларини келтиради Marca.
Испания терма жамоаси навбатдаги учрашувини бугун, 15 октябрь куни Норвегия терма жамоасига қарши ўтказади.